SƏBUHİ CƏFƏROV

İfaçılıq fəaliyyəti

Pedaqoji  fəaliiyyətlə yanaşı ifaçılıq fəaliyyətinə xüsusi önəm verən Səbuhi Cəfərov 1993 – cü ildən Azərbaycan Televiziya və Radio verilişləri Qapalı Səhmdar Cəmiyyətinin Səid Rüstəmov adına xalq çalğı alətləri orkestrində konsertmeyster – solist vəzifəsində fəaliyyət göstərir. S.Ələsgərovun “ 3 saylı Konsert”inin ( ilk ifa 1994), Firəngiz Babyevanın tar ilə orkestr üçün‘’ Konsert’’ inin( ilk ifa 1994),Xalq artisti N.Əzimovun “Xatirə’’ əsərinin ( ilk ifa 1997), Əməkdar müəllim A.Yusifovanın “Alov fantaziyası” əsərlərinin ilk ifaçısı olmuşdur (hər iki əsər S.Cəfərova ithaf olunub).  H.Xanməmmədovun I və II tar konsertlərini (1999,2004),C.Cahangirovun tar “Konsert”ini (2005) , S.Rüstəmovun tar “Konsert”ini (2006),F.Əmirovun ”Sevil” operasından Balaşın və Sevilin ariyalarını, S.Ələsgərovun“Vətənimdir”, R.Mirişlinin ” Yandım elə yandım”, C.Cahangirovu “Ana”, “Bayatılar”, S.Rüstəmovun“ Oxu tar“. Q.Hüseyinlinin “İlk məhəbbət”,V.Adıgözəlovun “Qərənfil”, RMirişlinin “Bir könül sındırmışam’’, N.Əzimovun ’'İşıqlı dünyamsan’’,O.Kazımovun  ‘‘Nə  gəlməz oldun’’,  R.Korsakovun  “Çar Soltan haqqında  nağil” operasından “Mozalanın uçuşu”(yeri gəlmişkən texniki baxımdan yüksək ifaçılıq məharəti tələb edən bu əsər 60 saniyəyə ifa olunmuşdur,tar ilə xalq çalğı alətləri orkestri üçün işləyəni də Səbuhi Cəfərov) H.Rzayevin “Çahargah rapsodiyası”nı  (tar, kanon və xalq çalğı alətləri orkestri üçün işləyəni də Səbuhi Cəfərov) kimi əsərlərini S.Rüstəmov adına xalq çalğı alətləri orkestrinin müşaiyəti ilə Tele-Radionun fondu üçün lentə yazdırmışdır. Tar və kanon ifaçılığı tarixində ilk dəfə olaraq, H.Rzayevin “Çahargah rapsodiyası”nı (1997) , F.Əmirovun“1001 gecə” baletinin mövzuları əsasında “1001 gecəni düşünərkən” adli əsərini, T.Quliyevin “Sevinc” mahnısını tar, kanon və f-no üçün işləyərək lentə yazdırmışdır . S.Cəfərov, eyni zamanda “Rahab,’’Orta – Mahur’’,“Bayatı-Kürd”, “Çahargah”,“Bayatı-Şiraz”,”Şahnaz”,”Mirzə-Hüseyn segahı” muğamlarını, eləcə də xalq rəqslərini, respublikanın xalq artisti ,professor Şəfiqə Eyvazova ilə birgə lentə yazdırmışdır. Xalq artisti R.Mirişlinin “Yandım  elə yandım” və əməkdar müəllim,bəstəkar A.Yusifovanın“Alov fantaziyası” Səbuhi Cəfərovun ifasinda (Əməkdar incəsənət xadimi Ülviyyə Hacıbəyovanın fortepianoda müşayiətilə) “Azərbaycan bəstəkarlarının antologiyası”adlı albom - diskinə daxil edilmişdir. Səbuhi Cəfərov 2005 –ci ildə Moskvada keçirilən Azərbaycan ilinin açılış konsertində müvəffəqiyyətlə  çıxış edərək Respublikamızı  layiqincə təmsil etmişdir. 

14 mart 2017-ci il tarixdə Mədəniyyət kanalının təşkilatçılığı və Azərbaycan Dövlət Filarmoniyası ilə birgə layihəsi əsasında Kamera və Orqan Musiqi zalında solo konsert proqramı ilə çıxış etmişdir (Proqramda Azərbaycan və qərb bəstəkarlıarının əsərləri, muğamlar eləcə də rəqslər öz əksini tapmışdır).